Maraqlı bir şey öyrəndim: Qlobal bazarda "Liquid Death" (Maye Ölüm) adlı bir su markası var. Sırf pivə bankaları kimi dizayn olunmuş qutularda adi dağ suyu satırlar və "Murder Your Thirst" (Susuzluğunu Öldür) kimi şüarlarla tanıtım edirlər. Rokçular, gənclər əllərində enerji içkisi yox, bu su qutularını daşıyırlar. Deməli, düzgün vizual dil və xarakterlə suyun imicini tamamilə dəyişmək mümkündür. Mən də qlobalda tanınan belə bir su brendimiz olsun istərdim. Digər şəkər koması yaradan nə olduğu bilinməyən içkilərdənsə adi su içmək daha yaxşı fikirdir.