Ölkəmizdə valideynlər və dolayı olaraq da uşaqlar eksternat təhsilə daha çox yönləndirilməlidir. Bu, uşaqların hər gün 6-7 saat boş-boşuna gərəksiz dərslərə və pis mühitlərə məruz qalmağının qarşısını alır. Onlara sərf edildiyi vaxtda ailələr uşaqlarını özləri yetişdirə bilər, müxtəlif kurslara yazdıraraq uşağın erkən yaşdan daha dolğun həyat yaşamağına kömək edə bilər və yetkinliyə daha yaxşı hazırlaya bilər. Bu seçim təkcə bu addımı atmaqdan qorxan valideynlər/cəmiyyət və təhsil sistemini gəlir yeri olaraq görən işçilər/idarəçilər tərəfindən qınanar. Ancaq, sözsüz ki, yurdsevər, inkişafa meylli və gələcəyimizin (uşaqların) sağlam, ağıllı olmağını istəyən vətəndaşlar tərəfindən sonuna qədər dəstəklənər.